SEPULUH PEDAH DIBATA ras AYAT PEMASU-MASUN

Sepuluh Pedah Dibata

1.  "Aku kap TUHAN Dibatandu, si maba kam ndarat i Mesir nari, inganndu iperbudak.ola isembahndu dibata-dibata si deban,tapi sembah lah Aku.
2.  Ola ibahanndu gana-gana tah gambar-gambaren kerna kai pe si lit i datas langit, i doni, ntah pe si ibas lau i teruh doni.Ola kam erjimpuh man gana-gana ntah pe ersembah ku je, sabap Aku kap Tuhan Dibatandu si percimburu.Asa kai kalak si ernembeh ate msn bangKu kuukum ia,ras anak-anakna,seh kususurenna si peteluken ras i peempatken.Tapi tetap kukelengi kalak si ngkelengi Aku ras si ngikutken undang-undangKu,seh kempak meribu-ribu kesusuren.
3.  Ola ipakendu gelarKu guna tujun si jahat,sabap Aku TUHAN Dibatandu, la banci la ngukum asa kai kalak si nalah gunaken gelarKu.
4.  Ingat wari Sabat janah pebadiaken lah wari e.Enem wari arus kam erdahin guna ndahiken dahinndu; tapi wari si pepituken e me sada wari pengadi-ngadin si man persembahenken man bangKu saja. I bas wari e, ise pe la banci  erdahin: kam, anak-anakndu, budak-budakndu,asuh-asuhendu,bage pe kalak pertandang si ringan i bas negerindu.Sabap i bas enem wari Aku Tuhan enggo njadiken doni,langit, lawit, ras kerina isina, tapi ibas wari si pepituken ngadi Aku. Em sabapna maka Kupasu-pasu wari Sabat janah Kupebadiaken wari e.
5.  Mehamatlah man bapandu ras nandendu,gelah banci kam ndekah nggeluh i bas negeri si Kubereken man bandu pagi.
6.  Ola munuh
7.  Ola erlua-lua.
8.  Ola nangko.
9.  Ola ibahan-bahanindu salah kalak; ola mengga atendu ndeharana, budakna, lembuna, keledena, ntah kai gia sikerajangenna.

Kel. 20:1-17

AYAT-AYAT PEMASU-MASUN

1.  Ipasu-pasu janah ikawali Dibata kam(kita); siang ayo Dibata ersinalsal ibabondu(ta),janah   melias ateNa ngenehen kam(kita); Itatap Dibata ku kam(kita),janah malem atendu(ta) ibahanNa. Amin

(bd. Bilangen 6:24-26)

      

      2.  Lias ate Tuhan Jesus Kristus, kekelengen Dibata Bapa,ras kerembaken Kesah Si Badia ras                   kam(kita) kerina gelah.Amin

( II Kor. 13:13)

      3. Dibata,si mada perkuah ate,si nggo nenahken kam(kita) ku kemulianNa si rasa lalap ibas                      Kristus,njadiken kam(kita) serta,tetap,megegeh dingen paguh. Ia nge si mada kuasa seh                                                                             rasa lalap.Amin

(I Pet. 5:10-11)

      4. Dibata,sumbul kemalemen ate e gelah si ncukupi keperlunndu(ta) gunandalanken si sentudu                ras peratenNa. Janah Dibatalah erdahin i bas kam(kita) arah Jesus Kristus gelah kam (kita)                  ngelakoken kai si ngena ateNa. Man Kristuslah kemulain seh rasa lalap. Amin

(bd. Heber 13:21)